حول تصريحات الرئيس المدير العام لشركة سونطرال دانون
#######################################
الفرنسي المقيم بالمغرب يتكلم بلغة تسلطية لا مثيل لها و تعالٍ قل نظيره في محاولة للي دراع #المقاطعين و إركاعهم و الخروج منتصراً من هذه القضية.
فقد ذكر أنه سيسرح العمال و سيستغني عن الفلاحين الصغار و أن المغاربة سيتضررون من انخفاض انتاج احسن حليب في وطنهم، يعني السيد كايضرب الجودة ديال جميع الشركات المغربية و كايگول لينا أنا وحدي مضوي البلاد.
ولكن الطامة الكبرى هي أنه قال بأنه وضع شكايات جنائية بأشخاص شككوا في جودة منتجاته ... ما عرفتش أشمن فصل ف القانون الجنائي يجرم إبداء رأي في جودة منتوج معين ... دابا تبيع ليا نص فيه الطون، نگول ليك أنا "را الطون ناقص" تقدر تصيفطني للحبس.
يختم سلسلة التهديد بأن المغاربة الا ما نعلوش الشيطان را غادي يزيد مازال يجري على الناس و يوقف الاستثمارات المنتظرة.
أنا ما عرفتش واش لهده الدرجة الشعب ولا حويط قصير؟ لي جا من شي قنت يمسح فينا يديه و يهددنا و يخلعنا؟ واش انعدمت الوسائط ف المجتمع؟ واش الاعلام ولا ديال كلشي و خاصو غير الاشهار و لي بغا يگول شي حاجة يگولها؟ واش الحكومة ما عندها فينا غراض؟
تصريحات الرئيس المدير العام لشركة سنطرال دانون هي إهانة للشعب المغربي عامة وللعمال و الفلاحين خاصة لي بغا يدير مستقبلهم زرواطة يهدد بيها ولاد المغاربة.
على الحكومة أن تتدخل لوقف مثل هذه السفاهات و الهرطقات ... ولاد المغاربة رامشي شيطين ليه.
خودو للناس حقهم ... راكم حكومة في خدمة الشعب ماشي الشركات
بي ايس: بغيتهم ملي بقراو هاد شي يترجموه و يدخلوه ليه باش يدعيني تا أنا ... را حليبكم غير الما و الزغاريت و شكرا
#ولد_الدرب
#مقاطعون
 | حول تصريحات الرئيس المدير العام لشركة سونطرال دانون
#######################################
الفرن... |
No comments:
Post a Comment