‪[مصر أم الدنيا] ركبت أوبر من شوية .. واحنا في اخر شارع التحرير...‬

‫اسامه رفعت‬‎ shared a post with مصر أم الدنيا

‫اسامه رفعت‬‎: ركبت أوبر من شوية .. واحنا في اخر شارع التحرير عدينا علي موقف ميكروباص والناس واقفين طوابير علشان يركبوا الميكروباص ... فوجئت بسائق اوبر بيقولي شفت يا باشا واقفين طوابير يعني مفيش دولة ؛ قلتله ازاي ده شئ كويس .. قاللي ازاي انا أقف وينظمني سواق الميكروباص !! لو فيه دولة مكنش ده حصل طبعا ... فهمت ان الأخ ده خروف مستتر قلت فرصة احنا في ليلة راس السنة ولازم الخروف ده يقضي ليلة سعيدة ؛ فقلتله عندك حق طبعا مفيش دولة والجيش خرب البلد وسجن الناس بس المصيبة ان الناس مخدوعة تماما ؛ قاللي ازاي ؟؟؟ قلتله الناس مبسوطة جدا بمشروع الفحص بتاع فيروس سي ومبهورة وانت مش متخيل فرحة الناس اللي شفتهم وهما ييحللوا وبيقولوا ان المعاملة راقية جدا ولو حد مصاب بيعالجوه بالمجان ؛؛ قاللي دي منحة من الأمم المتحدة قلتله : كنا بنقول كده بس للأسف الأمم المتحدة نفسها نفت الخبر ده وقالت ان ده أكبر مسح شامل لمرض في التاريخ ؛؛ انت مش متخيل الناس مبسوطة أد ايه يالمشروع ده .. السيسي ده ملوش حل قدر يكسب 50 مليون بالمشروع ده والناس نسيت الأبطال اللي في السجون زي مرسي واللي معاه .. الراجل ده مش سهل أبدا .. والمصيبة ان السيسي كسب ملايين تاني بمشروع المليون وحدة سكنية اللي هيسكن فيه 5 مليون مواطن .. انت عارف طبعا ان مبارك بني 200 ألف وحدة سكنية فقط في 30 سنة والناس كلها بتقول عاوزين السيسي يقعد 15 سنة كمان عشان يعمل قدهم كام مرة ... وانا متضايق بشكل فظيع لأنه قدر يكسب الناس ... وكمان عمل مشروع ال 100 ألف صوبة زراعية اللي بيعادل انتاج مليون فدان وده تاني أكبر مشروع زراعي في العالم وهيشغل 2 مليون مواطن بيصرفوا علي 10 مليون غيرهم .. قاللي يعني مفيش حل ؟؟ قلتله بص أنا كنت زيك كده باشتم في الراجل بس بعد اللي شفته مفيش حل غير اننا نسيبه يحكم 15 سنة علي الأقل وبعدين نحكم عليه ... قاللي طب والدستور ؟؟ قلتله هيغيره طبعا ولو ماغيروش الناس هي اللي هتخليه يغيره !!! الراجل عرف يضحك علي الناس يا بيه .. فيه 5 مليون مصري شغالين في المشاريع القومية وبيصرفوا علي 25 مليون غيرهم .. السيسي زود التموين للغلابة وعمل معاشات ل 5 مليون أسرة يعني 25 مليون بني ادم .. الراجل ده مش سهل خالص وملوش حل وبعدين الناس بتقول ان 5% بس من دول العالم هي اللي بتحدد مدد للرئاسة وعاوزين نبقا زي ال 95% اللي مش بيحددوا مدد للرئاسة .... وسايبين ارادة الناس هي اللي تحدد ودي حقيقة فعلا .. بص يا راجل يا طيب خلينا نصبر 15 سنة ونشوف وأنا متأكد ان الناس هتكتشف انه بيخدعهم وهافكرك وال 15 سنة هيعدوا هوا طبعا الخروف ده هيقضي راس سنة سعيدة جدا جدا.. كل سنة وانتم بخير وصحة وسعادة By.D Amir Fawzy View post

You can change notification settings for this community using preferences.

Mute ‫اسامه رفعت‬‎ to stop receiving notifications from him. This notification was sent to sanaa.ahardane@gmail.com. Go to your notification delivery settings to update your address. Unsubscribe from these emails.
Google LLC, 1600 Amphitheatre Pkwy, Mountain View, CA 94043 USA