‪[مصر أم الدنيا] برغم أن روسيا دوله صديقة لمصر لكن ده ميمنعش...‬

‫اسامه رفعت‬‎ shared a post with مصر أم الدنيا

‫اسامه رفعت‬‎: برغم أن روسيا دوله صديقة لمصر لكن ده ميمنعش ان السياسة الخارجية الروسية بتعتمد بنسبة كبيرة علي الأبتزاز بالأضافة للماطلة والتباطؤ حتي في أتمام الصفقات ودي سياسة معروفة عن روسيا من أيام الأتحاد السوفيتي وكانت من أسباب أتجاه الرئيس السادات للأنفتاح علي أمريكا والغرب ،، ونفس الأسلوب روسيا بتستعمله مع دول أوروبا في موضوع الغاز الروسي اللي أوروبا بتعتمد عليه واستغلته روسيا كسلاح للضغط علي أوروبا طول السنين اللي فاتت،، وده كان سبب رئيسي في دمار سوريا بسبب رفض سوريا مد انبوب للغاز من قطر يمر في الأراضي السورية ومنها لتركيا ومنها لأوروبا للأستغناء عن الغاز الروسي اللي روسيا بتستخدمه للضغط علي الدول الأوروبيه، وده يفسرلك سبب التدخل الروسي في سوريا اللي سببه أولاً وأخيراً الحفاظ علي مصالحها الأقتصادية. والدولة عندنا فاهمة كده كويس علشان كده مصر وبعكس توقعات ناس كتير توقعوا ان مصر هتتجه كلياً للجانب الروسي بعد #30_يونيو والأعتماد علي الاسلحة الروسيه كبديل عن الأسلحة الأمريكية واسلحة الغرب وده محصلش ومصر أعتمدت علي معادله متوازنه خصوصاً في ملف التسليح بتعتمد علي تنوع مصادر الأسلحة علشان منبقاش في يوم من الأيام تحت ضغط أي جانب من الجانبين. وحتي في ملف السياحه مصر بتحاول تفتح أسواق سياحيه جديده وكل زيارات #الرئيس_السيسي بيبقي فيها جزء مخصص للجانب ده،، بالأضافه لمجهود وزيرة السياحه لتعويض الفراغ اللي أتسبب فيه وقف السياحه الروسية اللي أكيد كان ورا توقفها طلب روسي من وراء الكواليس مصر رفضته وبسببه بيتم الضغط علي مصر بورقة السياحه واخرها التحذير الأخير اللي صدر من روسيا لمواطنيها في مصر دوناً عن كل دول العالم بعد حادث المريوطيه!! واللي أكيد مش سببه أن روسيا دوله بتخاف علي مواطنيها خصوصاً بعد اللي شوفناه حصل للسفير الروسي في تركيا ومع ذلك روسيا ماقامتش بتحذير مواطنيها من التواجد في تركيا !! وده يأكد أن روسيا بتقوم بتغليب لغة المصالح قبل حياة مواطنيها. الكلام ده مش بغرض الهجوم علي الجانب الروسي اللي منقدرش ننكر أن كان له مواقف أيجابيه مسانده لمصر في مواقف كتير علي قد ماهو كشف لواقع بيقول أن مفيش في السياسة حاجة أسمها دولة شقيقة ودوله صديقة،، في حاجة أسمها دولة ليا مصالح معاها وبس. View post

You can change notification settings for this community using preferences.

Mute ‫اسامه رفعت‬‎ to stop receiving notifications from him. This notification was sent to sanaa.ahardane@gmail.com. Go to your notification delivery settings to update your address. Unsubscribe from these emails.
Google LLC, 1600 Amphitheatre Pkwy, Mountain View, CA 94043 USA